Pou nout Lidantité! Pour notre identité!

Kosa y di, dann Fonn Nout Kèr?

Alon ''Vouvoul'' sanm Mari Sizay!...

Alon aprésyé son Gayar Fonnkèr...

MADAGASIKARA
Sérémoni léspri po lo mor i pri
Dann fanafoudgasi i giny zar i géri
Dyé oplato "miaro zaho"
Zansèt i sap pa lao i vèy si nout sor
Ek Zanaar ou dor an zarlor dann korbèydor.

Mari Sizay.

Kontak: Paz Facebook:

Marie Sisahaye Girardot.

Astèr, alon, voyaz sanm Cathy...

Fonnkér : Viyn dann mon vilaz.

.....Avan lér manzé trap mon vann
Pandiyé dann fon la kizine
Po triyé mon bréd la Tér
Ral son lodér
Koman i san bon la fréshér la Tér
La fréshér la Vi...

Viyn dann mon vilaz

Nou pou toufé
Nou giny pi réspiré
Ousa ilé nout gayar péizaz
Nout péi
Ousa ilé bann gran piyédobwa vér
Piyé tamarin an flér
Dann ba la riviyér
Mon léspri vavang
Dann tan lontan
Kan nou té rod vavang
Ousa ilé nout ti kaz dobwa
An bwa sou tol la vi an zwa
Twal bib pandiyé dann plafon

Nou pou toufé
Nou giny pi réspiré
Ousa ilé nout ti trin lontan
Lépok nout gran paran
Goudron tro goudron
Po la po sapman
Partou larout goudroné
Loto parké
Sosiyété piblisité
Fané an poundiak
Po domoun konsomé an swaf

Nou pou toufé
Nou giny pi réspiré
Nou pou toufé toufé toufé
Toufé minm

Alon viyn
Alon ansanm
Mazine
Mazine térla térlaba
Mazine isi minm
Mazine la
Mazine isi
Si nout Tér minm

Mazine in vré zoli vré ti vilaz
Viyn ek mwin mi invit aou
Nou va planté po manzé
Nou va bwar in kafé
Si ou profér nora lo té
Oubiynsa pli méyér
Po La santé
Nou partaz in tase tizane la Tér

Nou va réspiré lo bon lér

Zoli bonér
Pa bozwin ou la ont
Viyn dann mon vilaz
Mi invit san kalkilaz
Viyn konm oulé san lamayaz
Dégiz pa ou nou yinm out vizaz
Nou lapa bozwin tro makiyaz
Natirél lé zoli san gomaz

Térla
Asiz sou gropiyédobwa lonbraz
San tapaz
Nou va giny pran lo tan
Viv po toutlan trankilman
Aprésiyé la Tér la Natir
Avan lér manzé trap soubik
Pandiyé dann fon la kizine
Ansanm nou valé
Dann bitasyon

Pa bozwin kour sipérmarsé
Po fé gro paké komisiyon

Nou pou toufé
Nou giny pi réspiré
Trap mon vane po triyé
Mon bréd la Tér
Rale son lodér
Koman i san bon la fréshér la Tér
Koman i san bon la fréshér la Vi

Cathy Singainy /FanmKérMaron

Kontak Paz Facebook:

Cathy Singainy.

Wayo, wayo, wayo manman

Wayo, wayo, wayo papa

Wayo, wayo,

wayo kel destyné moin nana

Wayo, wayo, wayo manman

Wayo, wayo, wayo papa

Wayo, wayo, wayo kel destyné moin nana

Ti di moin lé mor

Alé woir moin lé pa mor

Alala mi exis enkor

Ti di moin lé mor

Alé woir moin lé pa mor

Alala mi exis enkor

Parol, lèr, Firmin VIRY.

Lidantité y tyinboséré ansanm nou tout!

Lidantité lé pa mor, y exis ankor,

Anou, done ali la FORS

pou léternité!

Anou, lèv pou son Destiné!

Alon, lèvé pou nout Destiné!

Lékip KLR.

Ny maha-isika antsika, ny lova avy amin'ny razambentsika, dia ny Fahazavantsika mba handroso, anio sy rahampitso.

Soley Lidantité!

Notre identité Réunionnaise, Héritage de nos Ancêtres, est notre Lumière, pour avancer avec Force, aujourd' hui et demain!

Pitondnéz

The identity of Reunion island, Legacy of our Ancestors, is our Light, to advance with Force, today and tomorrow!

Nout kèr volkan!

La identidad de la isla de Reunión, Legado de nuestros antepasados, es nuestra Luz, para avanzar con Fuerza, hoy y mañana!

Kann!

Kabar Listwar...

Listwar in péi lé inportan pou tout domoun si latèr la. Listwar lé lo vérité si nou minm! Kart péi 1645

Pou avanse dann out visyon Listwar nout péi, trap bann zinfo, adrat, agoz, fé lo tri sirtou é fé out réflésyon si nout Listwar!

Listwar nout Péi lé falsifié, lé pa konplé! Alon rod lo vérité, ek nout Kèr Rényoné!

Kart péi

Kabar, pou Dobouté, sak Zour Bondyé!!!

Kontak/Contact: FB Association Maloya dann Ker.

Kabar nout Lang Rényoné!...

Nout Lang Viv ali!!!

Mersi pou Tousak y fé viv nout Langkosé, nout Langékri!

"Tout bann lang i éné akoz in bozwin!"Dalon Franswa

Franswa Sintomèr.

Zinfo si nout Lang: https://www.potomitan.info/reinion/lofis2.php

Lofis la lang!

Zinfo: http://lofislalangkreollarenyon.re/pou-lir-en-kreol/

Lantant LLKR

Zinfo: www.kreoldannlekol.com

Michel SOPHIE, Roséda,

Gramoun SELLO, kom y di partou,

lé né lo 18 avryl 1949, koté Sinlwi.

Li grandi dann lakour tabisman Logol.

Bonèr, li tomb dann lanbyansé Maloya....

...Li fé son promyé group an 1977, ''Les Volkaniks''.

1980, fénésans lo troupe Roséda, 1983 lo promyé vinyl Roséda.

Dofé Maloya partou dann nout Nasyon !!!

An 2006, SELLO y arvyin apré in tan silans la mizik, pou in kariyèr solo.

Zordi, nout Gramoun SELLO, lé la dann Kèr Rényoné,

Son Mizik y résone dann nout koko,

Son vwa y sone sak zour ek son Gayar Maloya.

Gramoun SELLO la voyaz dann in takon péi

ek Lamour Maloya pou partaz son Mizik.

Lonèrespé Zarboutan nout Kiltir Réyoné !

La Vérité, Momon, la Vérité !!!

Zordi, Gramoun SELLO,

li mèt ankor plis anlèr nout Maloya!

45 lané Maloya! Lonèrespé!

Kontak Scène: 06 92 94 14 59.

Kabar nout Mizik...

Batarsité, parol ek lèr Danyèl Waro!

Mwin pa blan Non mwin pa nwar

Tarz pa mwin si mon listwar

Tortiyé kaf yab malbar
Mwin nasyon bann fran batar

Mwin pa blan
Non mwin pas nwar
Tarz pa Mwin si mon listwar
Sinwa Zarab Zorèy Komor
Mwin nasyon bann batar

Rod atwé si ti vé
Apsèt atwé si ti vé
Ton blansité
Rod atwé si ti vé
Giny atwé si ti vé
Ton fransité

Amwin m'la pa bézwin rodé
I débord i koul atèr
Sanm tout mon réyonèzté

Rod atwé si ti vé
Apsèt atwé si tivé
Ton pirlafrikinnté
Rod atwé si ti vé
Giny atwé si ti vé
Ton ropeinnté
Amwin m'la pas bézwin rodé
Amwin ferblan mon kalité
I débord i koul atère
Sanm tout mon Batarsité
Amwin m'la pa bézwin rodé
Amwin ganblo mon kalité
I débord i koul atèr
Sanm tout mon réyonèzté

Roul atwé si ti vé
Pyont atwé si ti vé
Zoli kozé
Roul atwé si ti vé
Pyont atwé si ti vé
Zoli fransé

Amwin m'la pas bezwin roulé
Amwin sanm mon ti margonyé
Mi giny tir mon maloya
Mon narlgon kabaré

Amwin m'la pas bezwin roulé
Amwin sanm mon ti margonyé
Mi giny tir mon maloya
Mon séga kabaré

Ral atwé si ti vé
Dékony atwé si ti vé
Ton mapinm sové
Amwin m'la pa bezwin ralé
Amwin mon touf lo tin oté
Sa i ansèrv koman zoryé
Po sana mon gaté

Amwin m'la pa bezwin ralé
Amwin mon touf lo tin oté
Sa i ansèrv koman zoryé
Po nout dé mon gaté

Oté !!!! Kabar Santé, wi!!!!

Kabar! Alon larg in kozé!

Lalbom Kaskavel, Kayembé!

Nout tout la fine santé, arsanté Kaskavel, Fler kann... bann zoli sanson

lo group Kayembé!!!...

... La kaskad, Zoli Manzel, la fé zyé dou ansanm Soley....

In gayar Mersi lo gadiam lékip, po zot Mizik la partaz ziska la Sine!

Kayambé, Mizik la Rényon, lé la, lé anlèr!!!

Lo nouvo morso "Nou té sava dan la rivyèr" lé gayar, aprési ali!!!

Astèr, alon larg in kozé sanm Maximin BOYER! Lo santèr...

L.K

30 oktob 2017.

Moring la rivé la Rényon ek nout Zansèt esklavizé. Zordi, li lé in fors nout Kiltir!

Zinfo si Listwar Moring!: https://mondesfrancophones.com/espaces/periples-des-arts/le-moring-danse-reunionnaise-de-combat/

Nout zarlor!

Bonpé marmay y fé Moring! Bonpé lékol Moring la Rényon y fé in gayar transmisyon!

Néna in gadianm lasosiasyon y mèt anlèr lanbyans Moring, koté Trwabasin!

Lékip Max, Coco lé en fer! Lasosiasyon Coco lé en fer!

In bèl MERSI pou tout domoun y vé viv nout Moring!

Dann lo ron!

Liv Moring!

Kabar Lorizine!... Momon Afrika!

Nou sava koté... Bann Momon Latèr!

India!

Lashine!

Lafrans!

Logo KLR!

Lasosiasyon Kabar, pou artrouve anou, ek nout Mizik, nout Listwar, nout Lang Rényoné, nout Bitasyon, nout Kiltir!

Kabar, zoli mo rényoné, plin la Fors, pou fé konèt, pou partaz, pou viv, nout Koulèr Rényoné!

Nout Soley Lidantité, nout Féklersité!

Lékip Lasosiasyon KLR! Nout Soley Lidantité!

Kabar Lidantité Rényoné!

Lo trèz septanm 2017.

Kabar, avec notre Maloya! Kabar, l' association, pour se retrouver autour de nos pétillantes musiques, de notre Histoire, de notre belle Langue Réunionnaise, notre richesse agricole, notre superbe Culture!

Kabar, magnifique mot de notre ile, rempli de Force!

Pour se rassembler, pour faire connaitre l' Identité Réunionnaise, pour la partager, pour Vivre pleinement notre Coeur Réunionnais!

Notre Identité, Notre Soleil, Notre Lumière!

L' équipe associative KLR. Lanbyans la Rényon!

Kabar, Identité Réunionnaise.

Le 13 septembre 2017.

Kabar, with traditional music! The association Kabar, for our sparkling Music, for our History, our Language, our Culture!

Kabar, our call, to promote and live the beautiful Identity of Reunion island!

The KLR team.

Nout zoli péi!

Kabar, con música tradicional! La asociación Kabar, por muestra Musica, por nuestra Historia, nuestra Lengua, nuestra Cultura!

Kabar, nuestro llamado, para promover y vivir la Hermosa Identidad de la isla de Reunión!

El equipo KLR.

Tablo Béatrice Ichambe.

Kabar, miaraka amin'ny mozika nentim-paharazana! Ny fikambanana Kabar, ny mozika mahafinaritra, ho an'ny tantarantsika, ny fitenintsika, ny kolotsaintsika!

Kabar, fiantsoana antsika, mba hampiroboroboana sy hiaina ny nosy Identité nosy La Réunion!

Ny ekipan'ny KLR.

Nout gadianm péi!

Lanbyans la Mizik!

Inn ti mo, in zinfo kabar, konsèr, mouvman kiltirèl!.. Kontak anou!

Zot y vé texto zinfo Lidantité, anvoye anou zot téléfone...

Kontak: 06.92.94.14.59!

Nout fone!

Oté! Un méssage, un évènement musical ou culturel à communiquer, ou autre... Contactez-nous! Vous souhaitez aussi, recevoir des textos informatifs, envoyez-nous vos coordonnées téléphoniques...

Nout Mizik la Rényon!

A message, a musical or cultural event to communicate, or other ... Contact us! You want to receive informative text messages, give us your details phone!...

Nout Lidantité, lé la, ansanm Nou tout!

Partaz ek in rézo sosial / Partager via un média social